ಇ ಸಮಾಚಾರ ಡಿಜಿಟಲ್ ನ್ಯೂಸ್ (esamachara digital news) ಶಿರಸಿ(Sirsi) : ಬೇಲಿಗೆ ಹಾಕಿದ್ದ ಬಲೆಯಲ್ಲಿ ಸಿಲುಕಿಕೊಂಡಿದ್ದ ಸುಮಾರು 14ಅಡಿ ಉದ್ದದ ದೈತ್ಯ ಕಾಳಿಂಗ ಸರ್ಪವೊಂದನ್ನ(King Cobra) ರಕ್ಷಣೆ(Rescue) ಮಾಡಿದ ಘಟನೆ ನಡೆದಿದೆ
ಕುಮಟಾದ ಸಾಹಸಿ ಉರಗ ಪ್ರೇಮಿ ಪವನ ನಾಯ್ಕ ರಕ್ಷಣೆ ಮಾಡಿದವರು. ಎರಡು ದಿನಗಳಿಂದ ಶಿರಸಿ ತಾಲೂಕಿನ(Sirsi Taluku) ರಾಗಿಹೊಸಳ್ಳಿಯ ಪ್ರಶಾಂತ್ ಹೆಗಡೆಯವರ ಮನೆಯ ತೋಟದಲ್ಲಿ ಕಾಣಿಸಿಕೊಂಡ ಕಾಳಿಂಗ ಸರ್ಪ(King Cobra) ತೋಟಕ್ಕೆ ಕಾಡುಹಂದಿಯ(Wild Boar) ರಕ್ಷಣೆಗೆಂದು ಹಾಕಿದ ಬೆಲೆಯು ಸುತ್ತುವರಿದಿದ್ದರಿಂದ ತಪ್ಪಿಸಿಕೊಂಡು ಹೋಗದೆ ಬಲೆಯಲ್ಲಿ ಸಿಲುಕಿತ್ತು. ಎರಡು ದಿನ ಕಳೆದು ಅಲ್ಲೆ ಇರುವುದನ್ನ ಕಂಡ ತೋಟದ ಮಾಲೀಕರು ಉರಗ ಪ್ರೇಮಿ ಪವನ್‌ಕುಮಾರ ಅವರನ್ನ ಸಂಪರ್ಕಿಸಿದ್ದರು.
ಕುಮಟಾದ ಉರಗ ಪ್ರೇಮಿ ಪವನ್ ಕುಮಾರ ತಕ್ಷಣ ರಾಗಿಹೊಸಳ್ಳಿಗೆ ತೆರಳಿ ಬಲೆಯಲ್ಲಿ ಸಿಲುಕಿ ಒದ್ದಾಡುತ್ತಿದ್ದ ಭಾರೀ ಗಾತ್ರದ ಕಾಳಿಂಗ ಸರ್ಪವನ್ನ(King Cobra) ರಕ್ಷಿಸುವ ಕಾರ್ಯಾಚರಣೆಗೆ ಮುಂದಾದರು. ಬಾರೀ ಗಾತ್ರದ ಕಾಳಿಂಗವನ್ನ ನೋಡಿದ ಸ್ಥಳೀಯರು ಬೆಚ್ಚಿಬಿದ್ದಿದ್ದರು. ಅಲ್ಲದೇ ಸ್ಥಳದಿಂದ ಓಡಿಹೋಗುವಂತ ಪರಿಸ್ಥಿತಿಯಿತ್ತು. ಅಂತೂ ಕಾಳಿಂಗವನ್ನ ಸುರಕ್ಷಿತವಾಗಿ ಸೆರೆಹಿಡಿಯಲಾಯಿತು.
ಈ ಸಂದರ್ಭದಲ್ಲಿ ಮಾತನಾಡಿದ ಪವನ ನಾಯ್ಕ, ಕಾಳಿಂಗ ಸರ್ಪ ಸಾಧು ಹಾಗೂ ನಾಚಿಕೆ ಸ್ವಭಾವದ ಜೀವಿಯಾಗಿದ್ದು. ತನಗೆ ಅತಿಯಾದ ತೊಂದರೆ ಎದುರಾದಲ್ಲಿ ಮಾತ್ರ ದಾಳಿ(Attack) ಮಾಡುತ್ತವೆ. ಇತ್ತೀಚಿನ ವರ್ಷಗಳಲ್ಲಿ ರಾಜ್ಯದಲ್ಲಿ ಯಾರಿಗೂ ತೊಂದರೆ ಮಾಡಿದ ಉದಾಹರಣೆಗಳಿಲ್ಲ ಎಂದು ಹೇಳಿದ್ದಾರೆ.
ಇದನ್ನು ಓದಿ : ಜಿಲ್ಲಾಸ್ಪತ್ರೆ ಆವರಣದಲ್ಲಿ ಚಿನ್ನದ ಬ್ಯಾಗ್ ಎಗರಿಸಿದ್ದ ಆರೋಪಿ ಪೊಲೀಸ್ ಬಲೆಗೆ
ಅಪಘಾತದಲ್ಲಿ ಗಾಯಗೊಂಡ ವಧು. ಆಸ್ಪತ್ರೆ ಎಮರ್ಜೆನ್ಸಿ ವಾರ್ಡಲ್ಲಿ ಮದುವೆ.
