ಇ ಸಮಾಚಾರ ಡಿಜಿಟಲ್ ನ್ಯೂಸ್ (esamachara digital news) ಕೇರಳ(Keral) : ಶಬರಿಮಲೆ ಯಾತ್ರೆಗೆ(Shabarimala Yatra) ತೆರಳುವ ಯಾತ್ರಿಕರಿಗೆ ಆರೋಗ್ಯ ಇಲಾಖೆ(Health Department) ತುರ್ತು ಮುನ್ನೆಚ್ಚರಿಕೆ ಸೂಚನೆಗಳನ್ನು ಬಿಡುಗಡೆ ಮಾಡಿದೆ. ಮಿದುಳಿಗೆ ಗಂಭೀರ ಹಾನಿ ಮಾಡುವ ಅಪರೂಪದ ಮಾರಣಾಂತಿಕ ಅಮೀಬಾ ಹಾವಳಿಯ ಬಗ್ಗೆ ತಿಳಿಸಿದೆ. ಈ ಹಿನ್ನೆಲೆಯಲ್ಲಿ ಯಾತ್ರಿಕರು ವಿಶೇಷ ಜಾಗ್ರತೆ ವಹಿಸುವಂತೆ ಸೂಚಿಸಲಾಗಿದೆ.
ಕೇರಳ ರಾಜ್ಯದಲ್ಲಿ(Keral State) ನೇಗೇರಿಯಾ 8 (Naegleria fowleri) ಸೋಂಕಿನಿಂದ ಉಂಟಾಗುವ ಅಮೀಬಿಕ್ ಮೆನಿಂಗೊಎನ್ಸೆಫಲೈಟಿಸ್‌ ಪ್ರಕರಣಗಳು ವರದಿಯಾಗುತ್ತಿದೆ. ನಿಂತ ನೀರು(Standing Water), ಕೊಳಗಳು, ಈಜುಕೊಳಗಳು(Swimming Pool) ಮತ್ತು ಕೆರೆಗಳಲ್ಲಿ ಇದನ್ನು ಅಮಿಬಾ ಸೋಂಕು ಹೆಚ್ಚಿನ ಪ್ರಮಾಣದಲ್ಲಿ ಪತ್ತೆಯಾಗುತ್ತಿದೆ. ಬೆಚ್ಚಗಿನ ಸಿಹಿನೀರು(Sweet Water) ಹಾಗೂ ಮಣ್ಣಿನಲ್ಲಿ ಸಹಜವಾಗಿ ಕಂಡುಬರುತ್ತಿದೆ. ಈ ಸೋಂಕು ವ್ಯಕ್ತಿಯಿಂದ ವ್ಯಕ್ತಿಗೆ ಹರಡುವುದಿಲ್ಲ ಮತ್ತು ಕಲುಷಿತ ನೀರನ್ನು ಕುಡಿಯುವುದರಿಂದ ಸೋಂಕು ತಗುಲುವುದಿಲ್ಲ ಎಂದು ಇಲಾಖೆ(Department) ಸ್ಪಷ್ಟಪಡಿಸಿದೆ.
ನೀರಿನಿಂದ ಮೂಗಿನ ಮೂಲಕ ದೇಹ ಸೇರಿದರೆ ಅಪಾಯ ಉಂಟಾಗುತ್ತಿದೆ. ಅತ್ಯಂತ ವಿಷಕಾರಿ (virulent) ಸ್ವರೂಪದ ಈ ಅಮೀಬಾ ನೀರಿನಿಂದ ಮೂಗಿಗೆ ಪ್ರವೇಶಿಸಿದಾಗ ನೇರವಾಗಿ ಮೆದುಳಿಗೆ ತಲುಪಿ, ‘ಅಮೀಬಿಕ್ ಮೆನಿಂಗೊಎನ್ಸೆಫಲೈಟಿಸ್‌’ ಎನ್ನುವ ಅಪರೂಪದ ಗಂಭೀರ ರೋಗವನ್ನು ಉಂಟುಮಾಡುತ್ತದೆ ಎಂದು ತಿಳಿಸಲಾಗಿದೆ.
ಶಬರಿಮಲೆ ಯಾತ್ರೆಯ ವೇಳೆ ನಿಂತ ನೀರಿನಲ್ಲಿ ಸ್ನಾನ ಮಾಡುವ ಸಂದರ್ಭಗಳಲ್ಲಿ ನೀರು ಮೂಗಿಗೆ ಒಳನುಗ್ಗದಂತೆ ಮೂಗಿನ ಕ್ಲಿಪ್(Nose Clup) ಬಳಸುವುದು ಅಥವಾ ಮೂಗನ್ನು ಬಿಗಿಯಾಗಿ ಮುಚ್ಚಿಕೊಳ್ಳುವುದು ಅಗತ್ಯವೆಂದು ಆರೋಗ್ಯ ಇಲಾಖೆ ಸೂಚಿಸಿದೆ.
ಇದರ ರೋಗ ಲಕ್ಷಣವೆಂದರೆ ನೀರಿನ ಸಂಪರ್ಕದ ಒಂದು ವಾರದ ಒಳಗೆ ಜ್ವರ(Fever), ತೀವ್ರ ತಲೆನೋವು(Headache), ವಾಂತಿ(Vomit), ಕುತ್ತಿಗೆ ಬಿಗಿತ, ಗಂಟಲ(Throat), ವರ್ತನೆಯಲ್ಲಿ ಬದಲಾವಣೆಗಳು ಸೇರಿದಂತೆ ಯಾವುದೇ ಅಸಹಜ ಲಕ್ಷಣಗಳು ಕಾಣಿಸಿಕೊಂಡರೆ ತಕ್ಷಣವೇ ಹತ್ತಿರದ ಸರ್ಕಾರಿ ಆಸ್ಪತ್ರೆ(Government Hospital) ಅಥವಾ ವೈದ್ಯರನ್ನು ಸಂಪರ್ಕಿಸಬೇಕು ಎಂದು ಆರೋಗ್ಯ ಇಲಾಖೆ ಎಚ್ಚರಿಕೆ ನೀಡಿದೆ.
ಶಬರಿಮಲೆ ಯಾತ್ರೆಯ ಹಂಗಾಮಿನ ಸಂದರ್ಭದ ಹಿನ್ನೆಲೆಯಲ್ಲಿ, ಯಾತ್ರಿಕರು ಹೆಚ್ಚಾಗಿ ನೈಸರ್ಗಿಕ ಜಲಮೂಲಗಳನ್ನು ಬಳಸುವ ಸಾಧ್ಯತೆ ಇರುವುದರಿಂದ ಮುನ್ನೆಚ್ಚರಿಕೆ ಕ್ರಮಗಳನ್ನು ಕಟ್ಟುನಿಟ್ಟಾಗಿ ಪಾಲಿಸುವಂತೆ ಕೇರಳ ಆರೋಗ್ಯ ಇಲಾಖೆ(Keral Health Department) ಮನವಿ ಮಾಡಿದೆ.
ಇದನ್ನು ಓದಿ : ರಾಜಧಾನಿ ಬೆಂಗಳೂರಿನಲ್ಲಿ ಶಿರಸಿ ಮೂಲದ ಮಹಿಳೆ ಹತ್ಯೆ.
ಸಾಮಾಜಿಕ ಜಾಲತಾಣಗಳಲ್ಲಿ ಸುಳ್ಳು ಮಾಹಿತಿ ಶೇರ್ ಮಾಡಿದವರಿಗೆ ಬಂತು ಸಂಚಕಾರ.
ರಾಷ್ಟ್ರೀಯ ಹೆದ್ದಾರಿಯಲ್ಲಿ ಟ್ಯಾಂಕರ್ ಪಲ್ಟಿ. ಜಿಲ್ಲಾಡಳಿತದಿಂದ ಎಚ್ಚರಿಕೆ.
ಯಲ್ಲಾಪುರ ಪೊಲೀಸರ ಮಿಂಚಿನ ಕಾರ್ಯಾಚರಣೆ. ಬ್ಯಾಂಕ್ ದರೋಡೆ ಆರೋಪಿಯಿಂದ ಆತ್ಮಹತ್ಯೆಗೆ ಯತ್ನ.
