ಇ ಸಮಾಚಾರ ಡಿಜಿಟಲ್ ನ್ಯೂಸ್ (esamachara digital news) ಯಲ್ಲಾಪುರ(Yallapur) : ತಾಲೂಕಿನ ಉಮ್ಮಚಗಿ ಕೆವಿಜಿ ಬ್ಯಾಂಕ್(Ummachagi KVG Bank) ದರೋಡೆ ಯತ್ನ ಪ್ರಕರಣದ ಆರೋಪಿಗಳನ್ನು ಬಂಧಿಸುವಲ್ಲಿ ಯಲ್ಲಾಪುರ ಪೊಲೀಸರು(Yallapur Police) ರೋಚಕ ಕಾರ್ಯಾಚರಣೆ ನಡೆಸಿದ್ದಾರೆ.
ಕುಖ್ಯಾತ ದರೋಡೆಕೋರ ಮಂಗಳೂರಿನ(Mangalore) ಗೂಡಿನಬೈಲು ರಫೀಕ್ (ಮಹ್ಮದ್ ರಫೀಕ್) ನನ್ನು ಪೊಲೀಸರು ಬಂಧಿಸಿದ್ದಾರೆ. ನವೆಂಬರ್ 12ರಂದು ಬ್ಯಾಂಕ್ ದರೋಡೆ( Bank Robbery) ಯತ್ನ ನಡೆಸಿ ಸೈರನ್ ಆದಾಗ ರಫೀಕ್ ಹಾಗೂ ಅವನ ಗ್ಯಾಂಗ್ ಪರಾರಿಯಾಗಿತ್ತು.
ಬೆಳಗಾವಿ ಶಹಾಪುರದ(Belagavi Shahapur) ಖಾಸಭಾಗದಲ್ಲಿ ಅಡಗಿ ಕುಳಿತು ಮತ್ತೊಂದು ದರೋಡೆ ಸಿದ್ಧತೆಯಲ್ಲಿ ತೊಡಗಿದ್ದ ಮಾಹಿತಿ ಸಿಕ್ಕ ಹಿನ್ನೆಲೆಯಲ್ಲಿ, ಯಲ್ಲಾಪುರ ಪಿಐ ರಮೇಶ್ ಹನಾಪುರ ನೇತೃತ್ವದ ತಂಡ ಬೆಳಗಾವಿಗೆ ದಾಳಿ ನಡೆಸಿ ಆರೋಪಿಯನ್ನು ವಶಕ್ಕೆ ಪಡೆದಿದ್ದಾರೆ.
ದಾಳಿ ಸಂದರ್ಭದಲ್ಲಿ ತಪ್ಪಿಸಿಕೊಳ್ಳಲು ಯತ್ನಿಸಿದ ರಫೀಕ್, ಪೊಲೀಸರ ಮೇಲೆಯೇ ಚಾಕುವಿನಿಂದ ಹಲ್ಲೆ ಮಾಡಲು ಮುಂದಾಗಿದ್ದ ಎಂದು ಗೊತ್ತಾಗಿದೆ. ಈ ವೇಳೆಯಲ್ಲಿ ಕೆಲ ಪೊಲೀಸ್ ಸಿಬ್ಬಂದಿಗೆ ಸಣ್ಣಪುಟ್ಟ ಗಾಯಗಳಾಗಿವೆ. ನಂತರ ಪೊಲೀಸರಿಂದ ತಪ್ಪಿಸಿಕೊಳ್ಳಲು ಸಾಧ್ಯವಿಲ್ಲ ಎಂದು ತಿಳಿದ ರಫೀಕ್, ತಾನು ಹಿಡಿದಿದ್ದ ಫಾಕೆಟ್ ‘ಡ್ರಾಗನ್ ಚಾಕು’ವಿನಿಂದ ತನ್ನದೇ ದೇಹಕ್ಕೆ ಚುಚ್ಚಿಕೊಂಡು ಆತ್ಮಹತ್ಯೆಗೆ ಯತ್ನಿಸಿದ್ದಾನೆ. ತಕ್ಷಣ ಸ್ಥಳದಲ್ಲಿದ್ದ ಪೊಲೀಸರು ಅವನನ್ನು ಬಂಧಿಸಿದ್ದಾರೆ. ಸದ್ಯ ಆರೋಪಿ ಬೆಳಗಾವಿ ಸಿವಿಲ್ ಆಸ್ಪತ್ರೆಗೆ(Belagavi Civil Hospital) ದಾಖಲಾಗಿ ಚಿಕಿತ್ಸೆ ಪಡೆಯುತ್ತಿದ್ದಾನೆ.
ಬಂಧಿತನಾಗಿರುವ ರಫೀಕ್ ಮೇಲೆ ಕಳೆದ ಒಂದೂವರೆ ವರ್ಷಗಳಲ್ಲಿ ದರೋಡೆ(Robbery), ಮನೆಕಳ್ಳತನ(Housetheft), ಬೀಗ ಒಡೆದು ಕಳವು, ಚೈನ್ ಸ್ನಾಚಿಂಗ್(Chain Snatching), ಬ್ಯಾಂಕ್ ಕಳ್ಳತನ ಯತ್ನ, ಬೈಕ್‌ ಕಳವು, 307 (ಕೊಲೆ ಯತ್ನ) ಸೇರಿ 50 ಕ್ಕೂ ಹೆಚ್ಚು ಪ್ರಕರಣಗಳಿವೆ. ಬೆಂಗಳೂರು(Bangalore), ಉಡುಪಿ(Udupi), ಮಂಗಳೂರು(Mangalore), ಬೆಳಗಾವಿ(Belagavi) ಸೇರಿದಂತೆ ಅನೇಕ ಜಿಲ್ಲೆಗಳಲ್ಲಿ ರಫೀಕ್ ಮತ್ತು ಅವನ ಗ್ಯಾಂಗ್ ನಿಂದ ದರೋಡೆ ಪ್ರಕರಣಗಳು ನಡೆದಿದೆ. ಇತ್ತೀಚೆಗಷ್ಟೇ ಬೆಂಗಳೂರಿನ ಜ್ಯುವೆಲರಿ ಅಂಗಡಿಯೊಂದರ ದರೋಡೆಗೂ ಈ ಗ್ಯಾಂಗ್‍ನ ಕೈವಾಡ ಇರುವ ಶಂಕೆ ವ್ಯಕ್ತವಾಗಿದೆ.
ಬ್ಯಾಂಕ್ ದರೋಡೆ ಪ್ರಕರಣವನ್ನು ಪತ್ತೆಹಚ್ಚಲು ಯಲ್ಲಾಪುರ ಪಿಐ ರಮೇಶ್ ಹನಾಪುರ ಅವರು ಎರಡು ವಿಶೇಷ ತಂಡಗಳನ್ನು ರಚಿಸಿ ವಿವಿಧ ಕಡೆ ಕಾರ್ಯಾಚರಣೆ ನಡೆಸಿದರು. ಪ್ರಕರಣದ ತಾಂತ್ರಿಕ ಸುಳಿವುಗಳು ಮತ್ತು ಗುಪ್ತಮಾಹಿತಿಗಳ ಆಧಾರದ ಮೇಲೆ ಬೆಳಗಾವಿಯಲ್ಲಿ ಬಲೆ ಬೀಸಿ ರಫೀಕ್ ಅನ್ನು ಬಂಧಿಸುವಲ್ಲಿ ಯಶಸ್ವಿಯಾದರು.
ಇದನ್ನು ಓದಿ : ಟೆಂಪೋ–ಡಂಪರ್ ಲಾರಿ ನಡುವೆ ಅಪಘಾತ. ನಾಲ್ವರಿಗೆ ಗಂಭೀರ ಗಾಯ.
ಗಂಡನೊಂದಿಗೆ ಬಂದ ವಿದೇಶಿ ಮಹಿಳೆ ಅಪಾಯದಲ್ಲಿ. ಲೈಪ್ ಗಾರ್ಡ್ ಸಿಬ್ಬಂದಿಗಳಿಂದ ರಕ್ಷಣೆ.
ಭಟ್ಕಳ ಪೊಲೀಸರ ಕ್ಷಿಪ್ರ ಕಾರ್ಯಾಚರಣೆ. ಗೋ ಕಳ್ಳತನ ಮಾಡಿದ್ದ ಇಬ್ಬರ ಆರೆಸ್ಟ್.
ಭಟ್ಕಳದಲ್ಲಿ ರಾಜಾರೋಷವಾಗಿ ಗೋ ಕಳ್ಳತನ. ದೇವಾಲಯದ ಪಕ್ಕದಲ್ಲೇ ಮತ್ತೆ ಕಳ್ಳರ ಅಟ್ಟಹಾಸ.
