ಇ ಸಮಾಚಾರ ಡಿಜಿಟಲ್ ನ್ಯೂಸ್ (esamachara digital news) ಕಾರವಾರ(Karwar) : ಆನ್ಲೈನ್ ಟ್ರೇಡಿಂಗ್(Online Trading) ಮೂಲಕ ವಂಚಿಸುತ್ತಿದ್ದ ನಾಲ್ವರು ಆಸಾಮಿಗಳನ್ನ ಕಾರವಾರದ ಸೈಬರ್ ಕ್ರೈಂ(Karwar Cyber Crime) ವಿಭಾಗದ ಪೊಲೀಸರು ಹೆಡೆಮುರಿ ಕಟ್ಟಿದ್ದಾರೆ.
ಹೈದ್ರಾಬಾದ್‌ನಲ್ಲಿ(Hyderbad) ವಾಸವಿರುವ ತೆಲಂಗಾಣದ ವಾರಂಗಲ್ ಮೆಹಬೂಬಾಬಾದ್ ಮೂಲದ ಪಿಣ್ಣಿ ಶ್ರವಣಕುಮಾರ್ ಮಲ್ಲಯ್ಯ ಹಾಗೂ ಹೈದ್ರಾಬಾದ್ ಮಲಕಾಜಗಿರಿ, ರಂಗರೆಡ್ಡಿ ನಿವಾಸಿ ವಿನಯಕುಮಾರ್ ಸತ್ಯನಾರಾಯಣ ಜೈನ್ ಎಂಬವರನ್ನು ಪೊಲೀಸರು ಬಂಧಿಸಿ ಕಾರವಾರ ನ್ಯಾಯಾಲಯಕ್ಕೆ(Karwar Court) ಹಾಜರುಪಡಿಸಿದ್ದಾರೆ.
ಇದೊಂದು ಗಂಭೀರ ಸೈಬರ್ ಕ್ರೈಂ ವಂಚನೆ(Cyber Crime Cheating) ಪ್ರಕರಣವಾಗಿದ್ದು ಬ್ಯಾಂಕ್ ಅಧಿಕಾರಿಗಳೇ(Bank Officer) ವಂಚನೆಯಲ್ಲಿ ಭಾಗಿಯಾಗಿರುವುದು ಗೊತ್ತಾಗಿದೆ. ಬಂಧಿತರಲ್ಲಿ ಇಬ್ಬರು ಆರ್‌ಬಿಎಲ್ ಬ್ಯಾಂಕ್‌ನಲ್ಲಿ ಕಾರ್ಯನಿರ್ವಹಿಸುತ್ತಿದ್ದ ಪಬ್ಲಿಕ್ ರಿಲೇಶನ್ ಮ್ಯಾನೇಜರ್‌ಗಳಿರುವುದು ತನಿಖೆಯಿಂದ ತಿಳಿದು ಬಂದಿದೆ. ತಮ್ಮ ಬ್ಯಾಂಕ್‌ನಲ್ಲಿ ಬೇರೆಯವರ ಹೆಸರಿನಲ್ಲಿ ನಕಲಿ ಖಾತೆಗಳು ತೆರೆಯುವ ಮೂಲಕ ಸೈಬರ್ ವಂಚನೆಯ ಹಣವನ್ನು ತಮ್ಮ ಖಾತೆಗೆ ವರ್ಗಾಯಿಸಿಕೊಂಡಿದ್ದಾರೆ.
ಹೊನ್ನಾವರದ ಉದ್ಯಮಿ(Honnavar Businessmen) ವಾಸಿಮ್ ಇಬ್ರಾಹಿಂ ಶೇಖ್ ಅವರಿಗೆ ‘ಆನ್ಲೈನ್ ಟ್ರೇಡಿಂಗ್’ ಮಾಡಲು ಆಸೆ ಹುಟ್ಟಿಸಿ, ‘M Market Access’ ಎಂಬ ಆ್ಯಪ್ ಡೌನ್‌ಲೋಡ್ ಮಾಡಿಸಿದ್ದ ಆರೋಪಿಗಳು, 46.50 ಲಕ್ಷ ರೂ. ಹೂಡಿಕೆ ಮಾಡಿಸುವಲ್ಲಿ ಯಶಸ್ವಿಯಾಗಿದ್ದರು. ಆ್ಯಪ್‌ನಲ್ಲಿ 78 ಲಕ್ಷ ರೂ. ಲಾಭ ಪಡೆದಂತೆ ತೋರಿಸಿ ಬಲೆಗೆ ಸೆಳೆದ ನಂತರ ಹಣ ವಾಪಸ್ ನೀಡಲು ನಿರಾಕರಿಸಿದ್ದರು.
ಕಾರವಾರ ಸೈಬರ್ ಕ್ರೈಂ ಠಾಣೆಗೆ(Karwar Cyber Crime Station) ಹಣ ಕಳೆದುಕೊಂಡವರು ದೂರು ನೀಡಿದ್ದು, ಡಿವೈಎಸ್‌ಪಿ ಬಿ.ಅಶ್ವಿನಿ ನೇತೃತ್ವದ ತಂಡ ತನಿಖೆ ಕೈಗೊಂಡಿತು. ನವೆಂಬರ್ 6 ರಂದು ಬೆಂಗಳೂರು ಕೆಂಪೇಗೌಡ ವಿಮಾನ ನಿಲ್ದಾಣದಲ್ಲಿ(Bangalore Kempegowda Airport) ಬಿಹಾರ ಈಸ್ಟ್ ಚಂಪಾರಣ ಮೂಲದ ಷಾ ಅಲಂ ಶಮೀಮ್ ಅಕ್ತರ್ ಬಂಧನವಾಗಿದ್ದನು. ಆತ ನೀಡಿದ ಸುಳಿವಿನ ಮೇರೆಗೆ ಬಿಹಾರ ಮೂಲದ ಶಮೀಮ್ ಅಕ್ತರ್ ಅಬ್ದುಲ್ ಜಬ್ಬಾರನನ್ನೂ ಬೆಂಗಳೂರಿನಲ್ಲಿ ಬಂಧಿಸಲಾಗಿದೆ.
ಇದನ್ನು ಓದಿ : ಭೀಕರ ಕಾರು ಅಪಘಾತದಲ್ಲಿ ಐಎಎಸ್ ಅಧಿಕಾರಿ ಸೇರಿ ಮೂವರ ದುರ್ಮರಣ.
ಅಂಕೋಲಾ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಸರ್ಕಾರಿ ಬಸ್ ಪಲ್ಟಿ. 25ಕ್ಕೂ ಹೆಚ್ಚು ಪ್ರಯಾಣಿಕರಿಗೆ ಗಾಯ
ಕೇಣಿ ಬಂದರು ವಿರೋಧಿಸಿ ಅಂಕೋಲಾ ಬಂದ್. ಅಣಕು ಶವ ಬೃಹತ್ ಯಾತ್ರೆ. ಆಕ್ರೋಶ…
