ಇ ಸಮಾಚಾರ ಡಿಜಿಟಲ್ ನ್ಯೂಸ್(esamachara digital news) ಬೆಂಗಳೂರು(Banglore) : ಮುಂದಿನ ಎರಡು–ಮೂರು ದಿನಗಳಲ್ಲಿ ದಕ್ಷಿಣಭಾರತ ಕಡೆಗಳಲ್ಲಿ ಮಳೆ ಆರಂಭವಾಗುವ ಸಾಧ್ಯತೆಯಿದೆ ಎಂದು ಭಾರತೀಯ ಹವಮಾನ ಇಲಾಖೆ(IMD) ಸೂಚನೆ ನೀಡಿದೆ.
ಈಶಾನ್ಯ ಮುಂಗಾರು ಪ್ರವೇಶಕ್ಕೆ ಪೂರಕ ವಾತಾವರಣ ನಿರ್ಮಾಣವಾಗಿದ್ದು, ಕರ್ನಾಟಕ(Karnataka) ಸೇರಿದಂತೆ ದಕ್ಷಿಣ ಭಾರತದ(South India) ರಾಜ್ಯಗಳಲ್ಲಿ ಮುಂದಿನ ಐದರಿಂದ ಆರು ದಿನಗಳ ಕಾಲ ಮಳೆಯಾಗುವ ನಿರೀಕ್ಷೆಯಿದೆ.
ಕರ್ನಾಟಕ(Karnataka), ಕೇರಳ(Keral), ತಮಿಳುನಾಡು(Tamilunadu) ಸೇರಿದಂತೆ ಹಲವು ರಾಜ್ಯಗಳ ವಿವಿಧೆಡೆ ಗುಡುಗು, ಮಿಂಚು ಮತ್ತು ಬಿರುಗಾಳಿ ಸಹಿತ ಮಳೆಯಾಗುವ ಸಾಧ್ಯತೆಯಿದೆ. ಕರ್ನಾಟಕದ ವಿವಿಧ ಜಿಲ್ಲೆಗಳಲ್ಲಿಯೂ ಮಳೆಯಾಗುವ ನಿರೀಕ್ಷೆಯಿದೆ ಎಂದು ಹವಾಮಾನ ಇಲಾಖೆ (IMD) ಮುನ್ಸೂಚನೆ ನೀಡಿದೆ.
ಇದೇ ಅಕ್ಟೋಬರ್ 15ರಿಂದ 18ರವರೆಗೆ ಕೇರಳ, ಮಾಹೆ, ಕರ್ನಾಟಕದ ಕರಾವಳಿ, ದಕ್ಷಿಣ ಒಳನಾಡು ಹಾಗೂ ಉತ್ತರ ಒಳನಾಡು, ತಮಿಳುನಾಡು(Tamilunadu), ಪುದುಚೇರಿ(Puducheri), ಕಾರೈಕಲ್ ಹಾಗೂ ಆಂಧ್ರಪ್ರದೇಶದ(Andrapradesha) ಕರಾವಳಿ ಪ್ರದೇಶಗಳಲ್ಲಿ ಪ್ರತ್ಯೇಕ ಸ್ಥಳಗಳಲ್ಲಿ ಭಾರಿ ಮಳೆಯಾಗುವ ಸಾಧ್ಯತೆಯಿದೆ. ಕರ್ನಾಟಕದ ಉತ್ತರ ಒಳನಾಡಿನಲ್ಲಿ ಅಕ್ಟೋಬರ್ 17 ಮತ್ತು 18ರಂದು, ಆಂಧ್ರಪ್ರದೇಶದ ರಾಯಲಸೀಮೆ ಪ್ರದೇಶದಲ್ಲಿ ಅಕ್ಟೋಬರ್ 15 ಮತ್ತು 16ರಂದು ಭಾರಿ ಮಳೆಯಾಗುವ ನಿರೀಕ್ಷೆಯಿದೆ.ಇದೇ ವೇಳೆ, ಅಕ್ಟೋಬರ್ 15ರಿಂದ 19ರವರೆಗೆ ಮಧ್ಯಪ್ರದೇಶ(Madhyapradesha), ವಿದರ್ಭ ಮತ್ತು ಛತ್ತೀಸ್‌ಗಢದ(Chattisghar) ಕೆಲವು ಭಾಗಗಳಲ್ಲಿಯೂ ಚದುರಿದ ಮಳೆಯಾಗುವ ಸಾಧ್ಯತೆಯಿದೆ.
ಕರ್ನಾಟಕದ ಕರಾವಳಿ ಜಿಲ್ಲೆಗಳಾದ ದಕ್ಷಿಣ ಕನ್ನಡ(Southcanara), ಉಡುಪಿ(Udupi) ಮತ್ತು ಉತ್ತರ ಕನ್ನಡದಲ್ಲಿ(Uttarkannada) ಅಕ್ಟೋಬರ್ 16ರಿಂದ 20ರವರೆಗೆ ಮಳೆಯಾಗಲಿದೆ. ಬೆಂಗಳೂರು ಗ್ರಾಮಾಂತರ, ಚಿಕ್ಕಬಳ್ಳಾಪುರ(Chikkaballapura), ಕೋಲಾರ(Kolara), ತುಮಕೂರು(Tumakur), ಚಿತ್ರದುರ್ಗ (Chitradurga), ದಾವಣಗೆರೆ (Davanagere), ಶಿವಮೊಗ್ಗ(Shivamogga), ಬಳ್ಳಾರಿ(Ballari), ವಿಜಯನಗರ(Vijaynagar), ಚಿಕ್ಕಮಗಳೂರು (Chikkamanglore), ಹಾಸನ(Hasan), ಕೊಡಗು(Kodagu), ಮಂಡ್ಯ(Mandya), ಮೈಸೂರು(Mysore) ಮತ್ತು ಚಾಮರಾಜನಗರ (Chamarajanagar) ಜಿಲ್ಲೆಗಳಲ್ಲಿ ಅಕ್ಟೋಬರ್ 15ರಿಂದ 20ರವರೆಗೆ ಅಲ್ಲಲ್ಲಿ ಮಳೆಯಾಗುವ ಸಾಧ್ಯತೆಯಿದೆ.
ವಿಜಯಪುರ (Vijayapur), ಬಾಗಲಕೋಟೆ (Bagalakote), ಕಲಬುರಗಿ(Kalaburgi), ಬೀದರ್‌(Bidar), ಯಾದಗಿರಿ(Yadagiri), ರಾಯಚೂರು(Rayachuru), ಕೊಪ್ಪಳ(Koppal), ಗದಗ(Gadag), ಧಾರವಾಡ(Dharwad) ಮತ್ತು ಹಾವೇರಿ(Haveri) ಜಿಲ್ಲೆಗಳಲ್ಲಿ ಅ. 16ರಿಂದ 20ರವರೆಗೆ ಮಳೆಯಾಗುವ ನಿರೀಕ್ಷೆಯಿದೆ ಎಂದು ಹವಾಮಾನ ಇಲಾಖೆ ಸೂಚಿಸಿದೆ.
